Kva skjer? Komande utstillingar

  • Førjulshelg i galleriet 24. - 26. november!

    Fredag kl 15-19, laurdag & sundag kl 11-17. Kafe med eplegløgg, flotte gåver samt ferskhogde Hagalid julatre

  • God mat & drikke - under Førjulshelga

    Ingen går svolten etter ei kraftig gulasjsuppe med rømme & himabakt brød (laurdag + sundag)

  • Førjulshelga 24.-26.11.

    Friske strekar i silketrykk – Lunch av Børge Lund

  • Spirå v/Anne Nordbø, sundag 26.11. kl 12 - 16

    Opplev vakker dekor og få gode idear – inne og ute

  • Førjulshelg og gode former i tre

    Askefat med barkekant frå Øystein Haga

  • Keramikk - norsk kunsthandverk

    Godt å sjå på – godt å halda i. Frå Beate Lund Kristiansen i Eldhuset

  • Eldhuset - noko for seg sjølv

    Godt norsk blåst glas og variert keramikk

  • Sofiehuset 1835 - 2017

    Gamalt og nytt bygd ihop til ein innbydande heilskap

  • Galleri Hagalid

    Stor breidde av norsk kunst og kunsthandverk i to hus

  • Heiavarden over Hagalid

    Ein kort rusletur med flott utsikt som belønning

  • Gardstunet på Hagalid - høgt over Jøsenfjorden

    Utsikt med innsikt!

  • På veg til Skomakarnibbå

    Kombiner fotturen med gode opplevingar i kultur & mat

  • Opplev tre kunst-utstillingar med kafe i året

    Frå Sommarutstillinga 2017

  • Kafe med uteservering

    Ro ned i solveggen til Sofiehuset

  • Frå Haustutstillinga 2017

    Gode treformer av Øystein Haga – du kan ta på dei under Førjulshelga også!

Utstillingar & kafé – utsikt med innsikt!

Velkomen til Galleri Hagalid!
NYHEIT:
Førjulshelg fredag 24. – sundag 26. november:
Ope fredag kl 15-19, laurdag og sundag kl 11 – 17.

Salsutstilling med variert norsk kunst og kunsthandverk i to hus, flotte gåveidear!
Kafe med kaffimat & eplegløgg samt gulasjsuppe laurdag og sundag.  Ferskhogde fjelledelgran og bjørkeved finn du ute. Me fyrer opp bålpanna! Les meir

Galleri Hagalid på Hagalid gard høgt over Jøsenfjorden i Ryfylke tilbyd tre kunstutstillingar med kafe i året. Neste ordinære utstilling med ny kunst er Vårutstillinga 2018 frå medio mars, men siste novemberhelg 2017 byd me altså på Førjulshelg i galleriet!

Imellom utstillingane og på stengte dagar er det tilbod av opplevingar og servering i Sofiehuset for grupper på bestilling (minst 8 og maksimalt 38 personar).
I Eldhuset er det alltid blåst glas og keramikk til sals og i Sofiehuset eit utval av grafikk, plakatar og smykke som tilbod  også til grupper som bestiller utanom utstillingane.

Kafé-servering i Sofiehuset:
Kraftig suppe med himabakt flatbrød og brød og smør kvar laurdag og sundag, et så mykje du vil! (i opningsperiodane eller på bestilling) Type suppe: følg med på facebook!
Alle opningsdagar blir det servert vaflar med himalaga syltetøy og rømme, iskrem frå Røsslyngen Beitelag inkl. ny Grønvik eplemostsorbet (utan mjølk), kaffi/te, varm sjokolade, Grønvik prisbelønte eplemost. Himabakte havreflarn og kransekakestenger (gluten- og laktosefrie).
Lokalt øl, to sortar sider frå Hardanger (nytt) og vin.
Nyt kaffikoppen med utsikt over Hagalidvatnet eller nordover mot Ombo, Foldøy og Nedstrand!

Faste utstillarar:
Eldhuset: Keramikk frå Øyvind Tingleff, Beate Lund Kristiansen, Brink & In’t Veld og Øystein Haga. Blåst glas frå Stine Hoff Kunstglass og Stavanger Glassblåseri.
I Sofiehuset: Alltid noko grafikk med og utan rame og populære plakatar av Hilde Thomsen. Keramikkskulpturar av Eva Sæverud. Eit utval av smykke frå Johannes Ihle (ny!) i tre, Emily Elmenhorst og Snella&Petronella er gode gåveidear!

God løysning for ei gruppe som vil spleisa til jubilantar, bryllup, jobbavslutning, etc? Gåvekort!
Me tek betalingskort.

Den store kollektive Sommarutstillinga er i begge husa og hagen, i 2018 frå medio juni og ut august. Servering inne i Sofiehuset og ute i solveggen, kafe med sjølvbetening.
Då kan du kjøpa vakre ting av varig verdi frå kjende norske profesjonelle kunstnarar og kunsthandverkarar: Grafikk, maleri, teikning, skulpturar i keramikk og stål, trefat, keramiske bruksting, blåst glas, tekstil til dame og litt til barn, vesker, belter og smykke. Du får tinga med deg med ein gong.

Under Vårutstillinga ved påsketider og Haustutstillinga i september-oktober er det både kafe samt presentasjon av nye arbeide for sal frå anerkjende norske kunstnarar i Sofiehuset som separatutstillingar. Eldhuset er samstundes ope med utsal av kunsthandverk – blåst glas og keramikk, mm.

Praktisk:
Landskapet og tunet på Hagalid er ei heilt spesiell rame rundt galleribesøket. Norsk kvalitetskunst og -handverk skal kunne opplevast i eit miljø med total landsens ro, fritt utsyn og rikeleg plass. Her er rom for sansing og varige inntrykk, ettertanke og langsam handel, men og muntre og utrulege historiar frå den nære fortida. Mett skal du og kunne bli.

Likevel: her bur det folk. Det inste tunet, parkeringsplassar til alle bustadhus og hagane er private. Hagen mellom Sofiehuset og Eldhuset er tilgjengeleg for publikum i opningstida.

Gardstunet er snuplass, ikkje parkeringsplass. Hovudparkering for galleriet er 200 meter før tunet – den same parkeringsplassen som for turløypa til Skomakarnibbå. Gratis parkering for gallerigjester. Parkeringsavgift kr 100,- for fotturistar (VIPPS eller kontant). Framføre Sofiehuset: Kun korttidsparkering for gjester til galleriet og parkering for rørslehemma.

Frå gjesteboka i galleriet

I regn og tåke kom vi fram til en oase av farger, form og historiske tråder! Takk for god velkomst Hanne og herlig fiskesuppe!
2. juli 2017, bestilt gruppe.
Takk for nydelig suppe og hyggelige folk. Alltid noe å ta med hjem
Juli 2017
Takk for god mat og interessant info av Hanne. Fin utstilling!
20. juni 2017, bedriftsgruppe
Fantastisk flott opplevelse å komme hit opp på nydelig utstilling! For en plass dette er blitt! Kommer tilbake.
20. mars 2016
Her har det blitt kanonflott. God mat. Lykke til videre!
28.10.2014
For ei nydelig viltsuppe! Me feirer 90-årsdag, kjekt å koma til Hagalid!
27. juni.2015, bestilt gruppe
Takk for god suppe i fine omgivelser! Det blir spennende å pakke opp kunsten!
6. september 2016
Takk, dette var flott, en uforglemmelig opplevelse!
3. oktober 2015
Tusen takk for flott opphold! Spennende historie, vakker natur og stor gjestfrihet.
9. mai 2016, gruppe bestilt
Takk for den flotte skogdagen vi har fått ha her på Hagalid. Deilig mat og fantastisk vertskap!
11. mars 2017, bestilt gruppe
Dette har vært en utrolig flott dag med smaksprøver av epler, god suppe og brød, og ikke minst flott kunst.
15. oktober 2016, Epledag med Grønvik Gard