• Klar for Sommarutstilling 17. juni til 27. august

    Opplev tre kunst-utstillingar med kafe i året

  • Galleri Hagalid

    Stor breidde av norsk kunst og kunsthandverk i to hus

  • Kafe med uteservering

    Ro ned i solveggen til Sofiehuset

  • God mat & drikke

    Ingen går svolten him etter ei kraftig suppe med himabakst

  • Sommar og kollektiv salsutstilling

    Utsikt med innsikt

  • Eldhuset - noko for seg sjølv

    Godt norsk blåst glas og variert keramikk

  • Sofiehuset 1835 - 2017

    Gamalt og nytt bygd ihop til ein innbydande heilskap

Utstillingar & kafé 2017

Komande utstillingar

Tidligare utstillingar

Imellom utstillingane og på stengte dagar er det tilbod av opplevingar og servering i Sofiehuset for grupper på bestilling.
I Eldhuset er det alltid blåst glas og keramikk til sals og i Sofiehuset eit utval av grafikk, plakatar og smykke.

Kafé-servering i Sofiehuset:
Kraftig suppe med himabakt brød og smør kvar helg, et så mykje du vil! (laurdag og sundag i opningsperiodane eller på bestilling).
Alle opningsdagar blir det servert vaflar med himalaga syltetøy, iskrem frå Røsslyngen Beitelag, kaffi/te, varm sjokolade, Grønvik prisbelønte eplemost. Øl og vin.
Nyt kaffikoppen med utsikt over Hagalidvatnet eller nordover mot Ombo, Foldøy og Nedstrand!

Alltid rikeleg med kunsthandverk som keramikk og blås glas til sals i Eldhuset.

Eldhuset er tilgjengeleg for grupper som kjem utanom utstillingane og har bestilt servering eller opplevingar.

Keramikk frå Øyvind Tingleff, Beate Lund Kristiansen, Brink & In’t Veld og Øystein Haga. Blåst glas frå Stine Hoff Kunstglass og Stavanger Glassblåseri. Alltid noko grafikk med og utan rame og populære plakatar av Hilde Thomsen. Eit utval av smykke frå Emily Elmenhorst og Snella&Petronella er gode gåveidear!

Gåvekort. Me tek betalingskort.

Den store kollektive Sommarutstillinga er i begge husa og hagen, i 2017 frå 17. juni til 27. august. Her kan du kjøpa vakre ting av varig verdi frå kjende norske kunstnarar og kunsthandverkarar: Grafikk, maleri, teikning, skulpturar i keramikk og stål, trefat, keramiske bruksting, blåst glas, tekstil til dame og litt til barn, vesker, belter og smykke. Servering inne i Sofiehuset og ute i solveggen.

Under Vårutstillinga og Haustutstillinga er det både kafe samt presentasjon av nye arbeide for sal frå anerkjende norske kunstnarar i Sofiehuset som separatutstillingar. Eldhuset er samstundes ope med utsal av kunsthandverk – blåst glas og keramikk, mm.

Praktisk:
Landskapet og tunet på Hagalid er ei heilt spesiell rame rundt galleribesøket. Norsk kvalitetskunst og -handverk skal kunne opplevast i eit miljø med total landsens ro, fritt utsyn og rikeleg plass. Her er rom for sansing og varige inntrykk, ettertanke og langsam handel, men og muntre og utrulege historiar frå den nære fortida.

Likevel: her bur det folk. Det inste tunet, parkeringsplassar til alle bustadhus og hagane er private. Hagen mellom Sofiehuset og Eldhuset er tilgjengeleg for publikum i opningstida.

Gardstunet er snuplass, ikkje parkeringsplass. Hovudparkering for galleriet er 200 meter før tunet – den same parkeringsplassen som for turløypa til Skomakarnibba. Gratis parkering for gallerigjester. Parkeringsavgift kr 100,- for fotturistar (VIPPS eller kontant). Framføre Sofiehuset: Kun korttidsparkering for gjester til galleriet og parkering for rørslehemma.

Utstillarar sommaren 2017

Abonner på vårt nyhetsbrev