Kva skjer? Utstillingar frå april 2019

Utstillingar & kafé 2019 – utsikt med innsikt!

Engelsk/English
Galleri Hagalid på Hagalid gard høgt over Jøsenfjorden, Hjelmeland midt i Ryfylke tilbyd årleg tre kunstutstillingar samt førjulshelg, alle med enkel sjølvbetent kafé. Heimelaga mat frå botn – oftast lokale råvarer – mykje smak.
Få eit inntrykk gjennom bildekarusellen oppe til høgre, klikk på pil til høgre eller venstre på bilda. Pil midt på bilda viser til utstilling eller tema.

Fram til april og mellom utstillingane kan ein besøke Hagalid og galleriet som gruppe og bestilla servering av måltid frå ein større meny i intime lokale eller ute, for møte eller fest. Alt frå enkel bålpannekaffi med himabakst til tre rettars meny. Les om maten vår
Opplevingar både for familie, bedrift og vennegrupper. Få idear her.

Kva skjer i 2019:
Ny gallerifoldar for det meste som skjer i 2019 er klar!
Første utstilling med kafe: Vårutstilling 6. – 28. april.: Dobbel separatutstilling med Ivar Haugen og Sarah Louise Reed. Laurdagar og sundagar samt onsdag, torsdag og fredag i påskeveka, kl 12 – 16. Gratis inngong.
Ekstra kveldsope torsdag 25. april frå kl 18, sprudlande føredrag med kjøkkenhagebloggar og helsecoach Margunn Ueland: Mat for energi og helse. Inngong kr 200,- inkl servering.

Stor kollektiv Sommarutstilling med kafe laurdag 15. juni til sundag 25. august. Opne dagar kl 11-17: Laurdagar og sundagar, og i heile juli t.o.m. 11. august også torsdagar og fredagar.
Opning laurdag 15. juni med Kari Sand, Presentasjon av smykkekunstnar Monica Bakka.
Laurdag 13. juli: performance og føredrag med kunstnar Liv Reidun Brakstad.

Haustutstilling med kafe Laurdagar og sundagar 5.- 27. oktober kl 12 – 17.
Dobbel separatutstilling med malaren Nils Eger og glasblåsar Trine Sundt, begge frå Stavanger.

Førjulshelg er tre dagar 22. – 24. november.

Du kan lesa om tidlegare utstillingar her.

Galleriet er ein perfekt stad å stoppa for å sjå ein unik plass med gardsbruk i drift samt galleri og få eit måltid på køyreturen sommarstid mellom Preikestolen i Ryfylke og Trolltunga i Hardanger. Eller kva med ein dagstur frå Stavanger eller Haugesund? Sjekk opningstidene nøye, eller bestill som gruppe! Sett av 2-3 timar til opplevinga, kombiner gjerne med ein kort eller lengre fottur i flott fjordnatur.

Kafé-servering i Sofiehuset:
Kraftig suppe med himabakt flatbrød og brød og smør kvar laurdag og sundag under dei lange utstillingane vår, sommar og haust. Ikkje minst: et så mykje du vil! Type suppe: sjå under kvar utstilling og følg med på facebook!
Alle opningsdagar blir det servert Hanne sine kardemommevaflar med himalaga syltetøy og rømme, og sommarstid finst iskrem frå Røsslyngen Beitelag. For tørsten er det kaffi/te, varm sjokolade og Grønvik prisbelønte eplemost og Munkholm. Baksten variera og vera t.d. solid dobbel havrekjeks med brunost, himabakte havreflarn og kransekakestenger (gluten- og laktosefrie) eller kaker basert på sesongens frukt og bær.
Lokalt øl frå Lilland bryggeri og Lervig samt vin i glas.
Nyt kaffikoppen med utsikt over Hagalidvatnet! Høyr kor stille det kan bli….

Kva kan du gjera på Hagalid på andre tider og heile året?
Imellom utstillingane og på stengte dagar er det tilbod av opplevingar og servering i Sofiehuset for grupper på bestilling (minst 8 og maksimalt 38 personar). Den kraftige suppa har blitt populær.
Etter ein fottur til Skomakarnibbå passar eit varmt måltid og hyggeleg drøs i Sofiehuset perfekt for gruppa, hugs å bestilla servering i god tid før turen.
I Eldhuset er det alltid blåst glas og keramikk til sals og i Sofiehuset eit utval av grafikk, plakatar og smykke som tilbod også til grupper som bestiller utanom utstillingane.

Faste utstillarar:
Eldhuset: Keramikk for bord og vegg frå Øyvind Tingleff, Beate Lund Kristiansen, Brink & In’t Veld, Eva Sæverud og Øystein Haga (okarina). Blåst glas frå Stine Hoff Kunstglass og Stavanger Glassblåseri.
I Sofiehuset: Alltid noko grafikk med og utan rame frå Kristian Finborud og Eli Hovdenak og populære plakatar av Hilde Thomsen og Jeannie Ozon-Høydal. Nytt i lin med dyremotiv: handtrykka linhandkle, forkle, handlenett mm frå Unni Strand. Keramikkskulpturar av Eva Sæverud, Karin Elisabeth Øvstedal, Brink & I’nt Veld, Øyvind Tingleff m.fl. Eit utval av smykke frå Johannes Ihle i tre, Emily Elmenhorst og Snella&Petronella er gode gåveidear!

God løysning for ei gruppe som vil spleisa til jubilantar, bryllup, jobbavslutning, etc? Gåvekort!
Me kan hjelpa til om du treng gåveidear til ein vaksen jubilant liksåvel som til namnefest og dåpsdag, konfirmanten eller brudeparet. Me tek betalingskort.

Den store kollektive Sommarutstillinga er i begge husa og hagen, i 2019  er perioden 15. juni til 25. august. Servering inne i Sofiehuset og ute i solveggen, kafe med sjølvbetening.
Kvar sommar deltek profesjonelle norske kunstnarar og kunsthandverkarar med vakre ting av varig verdi: Grafikk, maleri, teikning, skulpturar i keramikk og stål, trefat, keramiske bruksting, blåst glas, tekstil til dame og litt til barn, vesker, belte og smykke. Du får tinga med deg med ein gong. Galleristen vel gjerne ut kunstnarar med eit band til Hjelmeland eller Ryfylke, eller solide namn frå vestlandet. Av og til namn som ikkje har vore i Ryfylke eller Rogaland før.

Under Vårutstillinga som inkluderer påskeveka, og Haustutstillinga som går fire helger i oktober er det både kafe samt presentasjon av nye arbeide for sal frå anerkjende norske kunstnarar i Sofiehuset som doble separatutstillingar. Eldhuset er samstundes ope med utsal av kunsthandverk – blåst glas og keramikk, mm.

Førjulsopen helg var sist 23. – 25.11. 2018

Praktisk:
Landskapet og tunet på Hagalid er ei heilt spesiell rame rundt galleribesøket. Norsk kvalitetskunst og -handverk skal kunne opplevast i eit miljø med total landsens ro, fritt utsyn og rikeleg plass. Her er rom for sansing og varige inntrykk, ettertanke og langsam handel, men og muntre og utrulege historiar frå den nære fortida. Mett skal du og kunne bli.

Likevel: her bur det folk. Det inste tunet, parkeringsplassar til alle bustadhus og hagane er private. Hagen mellom Sofiehuset og Eldhuset er tilgjengeleg for publikum i opningstida.

Gardstunet er snuplass, ikkje parkeringsplass. Hovudparkering for galleriet er 200 meter før tunet – på same område som parkeringsplassen for turløypa til Skomakarnibbå. Gratis parkering for gallerigjester nærast skilta (Inntil 3 timar).
Parkeringsavgift kr 100,- for fotturistar (VIPPS eller kontant).
Framføre Sofiehuset: Kun korttidsparkering for gjester til galleriet og parkering for rørslehemma.