Kva skjer? Utstillingar frå september 2018

Utstillingar & kafé 2018 – utsikt med innsikt!

Engelsk/English
Galleri Hagalid på Hagalid gard høgt over Jøsenfjorden i Ryfylke tilbyd årleg tre kunstutstillingar samt førjulshelg, alle med enkel kafé. Få eit inntrykk gjennom bildekarusellen oppe til høgre, klikk på pil til høgre eller venstre på bilda. Pil midt på bilda viser til utstilling eller tema.

Den innhaldsrike galleri-foldaren for 2018 finn du her

Haustutstillinga med kafe går frå 29. september til 21. oktober, kun fire helger laurdag og sundag kl 12-17.  Ei dobbel separatutstilling blir vist med mange arbeide frå målaren Jan Terje Rafdal frå Etne og keramikar Sarah Honeyman frå Oslo. Fjellbilda er både i store og medium format under temaet «Den siste snøen». Det blir vist både nye maleri, trykk også i mindre format (mezzotint) og kolteikningar.
I tillegg er det proppfullt med keramikk og blåst glas i Eldhuset frå faste utstillarar samt eit utval grafikk, plakatar, linprodukt og smykke i Sofiehuset.

Kraftig suppe med himabakt brød og flatbrød, ny meny kvar helg. Følg med på facebook. Kaffimat: himabakst og vaflar.

NB. Få med deg Handle lokalt-dagen laurdag 20.10! Konkurranse med gåvekort som premie i galleriet. Handle Lokalt-dagen er i heile 16 forretningar i heile Hjelmeland og elles på mange andre mindre plassar i Norge.

Førjulshelga siste helg i november:
fredag 23.11. kl 14-18,
laurdag 24. + sundag 25.11. kl 12-17
Nytt høve til å finna varige gåver i ro og mak i Eldhuset og Sofiehuset og slappa av med kaffimat. God grafikk, plakatar, smykke, keramikk, blåst glas, kunstkort og linprodukt.

Galleriet er ein perfekt stad å stoppa for å sjå ein unik plass med gardsbruk i drift samt galleri og få eit måltid på køyreturen sommarstid mellom Preikestolen i Ryfylke og Trolltunga i Hardanger. Eller kva med ein dagstur frå Stavanger eller Haugesund? Sjekk opningstidene nøye, eller bestill som gruppe! Sett av 2-3 timar til opplevinga, kombiner gjerne med ein kort eller lengre fottur i flott fjordnatur.

Kafé-servering i Sofiehuset:
Kraftig suppe med himabakt flatbrød og brød og smør kvar laurdag og sundag under dei lange utstillingane. Ikkje minst: et så mykje du vil! Type suppe: sjå under Haustutstillinga og følg med på facebook!
Alle opningsdagar blir det servert Hanne sine kardemommevaflar med himalaga syltetøy og rømme, iskrem frå Røsslyngen Beitelag, kaffi/te, varm sjokolade og Grønvik prisbelønte eplemost. Bakst som solid dobbel havrekjeks med brunost, himabakte havreflarn og kransekakestenger (gluten- og laktosefrie) eller kaker basert på sesongens frukt og bær.
Lokalt øl frå Lilland bryggeri og Lervig samt vin i glas.
Nyt kaffikoppen med utsikt over Hagalidvatnet!

Kva kan du gjera på Hagalid på andre tider og heile året?
Imellom utstillingane og på stengte dagar er det tilbod av opplevingar og servering i Sofiehuset for grupper på bestilling (minst 8 og maksimalt 38 personar). Den kraftige suppa har blitt populær.
Etter ein fottur til Skomakarnibbå passar eit varmt måltid og hyggeleg drøs i Sofiehuset perfekt for gruppa, hugs å bestilla i god tid før turen.
I Eldhuset er det alltid blåst glas og keramikk til sals og i Sofiehuset eit utval av grafikk, plakatar og smykke som tilbod  også til grupper som bestiller utanom utstillingane.

Faste utstillarar:
Eldhuset: Keramikk for bord og vegg frå Øyvind Tingleff, Beate Lund Kristiansen, Brink & In’t Veld, Eva Sæverud og Øystein Haga (okarina). Blåst glas frå Stine Hoff Kunstglass og Stavanger Glassblåseri.
I Sofiehuset: Alltid noko grafikk med og utan rame frå Kristian Finborud og Eli Hovdenak og populære plakatar av Hilde Thomsen og Jeannie Ozon-Høydal. Nytt i lin med dyremotiv: handtrykka linhandkle, forkle, handlenett mm frå Unni Strand. Keramikkskulpturar av Eva Sæverud, Karin Elisabeth Øvstedal, Brink & I’nt Veld, Øyvind Tingleff m.fl. Eit utval av smykke frå Johannes Ihle i tre, Emily Elmenhorst og Snella&Petronella er gode gåveidear!

God løysning for ei gruppe som vil spleisa til jubilantar, bryllup, jobbavslutning, etc? Gåvekort!
Me tek betalingskort.

Den store kollektive Sommarutstillinga var i begge husa og hagen, i 2018 frå 16. juni til 26. august. Servering inne i Sofiehuset og ute i solveggen, kafe med sjølvbetening.
Kvar sommar deltek profesjonelle kunstnarar og kunsthandverkarar med vakre ting av varig verdi: Grafikk, maleri, teikning, skulpturar i keramikk og stål, trefat, keramiske bruksting, blåst glas, tekstil til dame og litt til barn, vesker, belte og smykke. Du får tinga med deg med ein gong.

Under Vårutstillinga som inkluderer påskeveka, og Haustutstillinga som går fire helger frå 29. september til 21. oktober er det både kafe samt presentasjon av nye arbeide for sal frå anerkjende norske kunstnarar i Sofiehuset som doble separatutstillingar. Eldhuset er samstundes ope med utsal av kunsthandverk – blåst glas og keramikk, mm.

Praktisk:
Landskapet og tunet på Hagalid er ei heilt spesiell rame rundt galleribesøket. Norsk kvalitetskunst og -handverk skal kunne opplevast i eit miljø med total landsens ro, fritt utsyn og rikeleg plass. Her er rom for sansing og varige inntrykk, ettertanke og langsam handel, men og muntre og utrulege historiar frå den nære fortida. Mett skal du og kunne bli.

Likevel: her bur det folk. Det inste tunet, parkeringsplassar til alle bustadhus og hagane er private. Hagen mellom Sofiehuset og Eldhuset er tilgjengeleg for publikum i opningstida.

Gardstunet er snuplass, ikkje parkeringsplass. Hovudparkering for galleriet er 200 meter før tunet – den same parkeringsplassen som for turløypa til Skomakarnibbå. Gratis parkering for gallerigjester. Parkeringsavgift kr 100,- for fotturistar (VIPPS eller kontant). Framføre Sofiehuset: Kun korttidsparkering for gjester til galleriet og parkering for rørslehemma.