Førjulshelg 22. – 24. november 2019

Fredag 22.11. kl 12 – 18, og laurdag 23. + sundag 24.11. kl 12 – 16 kan du koma inn i ein roleg førjulsstemning på Hagalid med bakst med julesmak, duft av røkelse og masse kunsthandverk og grafikk. Gode julegåveidear!
Begge husa vil vera fulle med gode produkt frå profesjonelle utøvarar. Keramikk, både skulpturar og brukskeramikk, porselen, blåst glas, smykke, trearbeide, lin og ullklede til både herre og dame, store og små bilde i grafikk, velkjende og nye plakatar, kunstkort og heilt nytt: handstøypte stearinlys.
I kafeen vil det dufte julekrydder, røkelse, eplegløgg og førjulsbakst som inspirerer til ein kulturell drøs. Gratis is i beger til alle barn!
Gåvekort finst og. Gratis inngong som vanleg under utstillingane.
Garantert graut- og nissefri sone og absolutt ingen julemusikk……….

Utstillarar:
Grafikk, store og små format i rame frå Kristian Finborud, Eli Hovdenak, Geir Nymark, Ellen Kalvig, Hilde Thomsen.
Plakatar frå Jeannie Ozon-Høydal og Hilde Thomsen.
Kunstkort frå Nina Burtniece, Jeannie Ozon-Høydal, Ellen Kalvig og Tone Flesche.

Keramikk: Øyvind Tingleff, Beate Lund Kristiansen, Eva Sæverud, Brink & I’nt Veld, Øystein Haga, Karin E. Øvstedal. Porselen: Sarah Louise Reed
Blåst glas: Stavanger Glassblåseri/Trine Sundt og Stine Hoff Kunsglass.
Trearbeide: Johs Ihle
Smykke: Emily Elmenhorst, Snella & Petronella, Johs Ihle.
Tekstil: Ingvild Ull og Unni Strand (lin)
Støypte og handlaga stearinlys: Ranso

Haustutstilling & kafe 5.– 27.10.2019

Til Haustustillinga er me så heldige å få Lunch-skaparen Børge Lund, Stavanger til å stilla ut sine teikneserie-striper og enkeltsituasjonar som trykk. Børge er oppvaksen i Sauda og har no ein betydeleg produksjon for mange aviser samt eigne bøker og hefte med Kjell sin spesielle kontorverd. Den nyaste boka hans har den talande tittelen: Ikke for å være negativ

Avslutta: Førjulshelg 23. – 25.11.18

Fredag 23.11. kl 14 – 18, og laurdag 24. + sundag 25.11. kl 12 – 17 kan du koma inn i ein roleg førjulsstemning på Hagalid med bakst med julesmak og masse kunsthandverk og grafikk; gode julegåveidear. Begge husa vil vera fulle med keramikk, både skulpturar og brukskeramikk, blåst glas, smykke, lin, store og små bilde i grafikk og maleri, plakatar, kunstkort.
I kafeen vil det dufte julekrydder osm inspirerer til ein kulturell drøs. Gåvekort finst og.
Garantert graut- og nissefri sone……….