Me ser fram til å opna kunståret på Hagalid med to flotte og erfarne kunstnarar med kvar sin separatutstilling frå laurdag 28. mars:
Velkjende Ellen Kalvig, Suldalsosen kjem med store og små nye bilde (maleri, grafikk og blandingsteknikk). Nederlandskfødde Felieke van der Leest, busett i Øystese i Hardanger viser unike smykkeskulpturar laga av plastdyr, tekstil, plastperler, sølv og gull og andre metall og halvedelsteinar. Felieke har akkurat no fleire separat- og gruppeutstillingar, og nye kjem i 2020, m.a. i Russland, Nederland, England og Polen.
På opningsdagen blir det to kunstnarsamtalar som alltid er verd å få med seg. Desse to kunstnarane har vidt forskjellige uttrykk, og det kan bli spennande møte mellom dei og våre gjester denne laurdagen.
Under utstillinga blir det og planlagt ein forfattarkveld.
Eldhuset er ope med masse blåst glas og nytt i keramikk.
I Sofiehuset: Separatutstillingane er i både 1. og 2. etasje: bilde i 1. etasje og smykkeskulpturane i Gamlesalen i 2. etasje.
Elles i Sofiehuset finst utvalde smykke, trearbeide, praktiske og vakre linprodukt frå Unni Strand, klede i tynn merinoull frå Ingvild Ull i eit vell av fargar og handstøypte stearinlys frå Ranso. Keramikkskulpturar, porselen og eit variert utval av kvalitetsgrafikk, populære plakatar og kunstkort er og til sals.
Sjølvbetent kafe med himalaga varm mat og kaffimat
Smaksrik kraftig suppe, ein pr helg blir servert laurdagar og sundagar.
Alle supper blir servert med himabakt grovbrød og himabakt flatbrød og smør. Et så mykje du vil!
Smakrsrik Grønvik eplemost, Munkholm, lokalt øl frå Lilland bryggeri og Lervig. Vin i glas.
Kaffimat alle dagar: Kardemommevaflar med himalaga sylt og rømme, himalaga havreflarn, havrekjeks med brunost, anna småbakst.
Nytt i 2020: Fargerike sunne smoothie!
Blir det sol og varme, er det uteservering!
I tillegg: eitt ekstra arrangement ein kveld under utstillinga.
Grupper (minst 8) for servering på bestilling på andre dagar.
